Tá George Lee chun éirí as Fine Gael agus as an pholaitíocht ar fad. Thug sé le fios inniu go bhfuil se míshásta nár tugadh ról níos mó a dó i gcúrsaí Fhine Gael agus gur olc leis nach raibh inchur aige ar pholasaithe eacnamaíochta an pháirtí. Chuimhnigh sé gur thug Enda Mac Cionnaith le fios dó ar na mallaibh go mbeadh biseach ar chúrsaí feasta ach nár shásaigh an dearbhú sin é. Bíodh is go raibh cúlra aige i gcúrsaí eacnamaíochta níor lorgaíodh a chomhairle faoi pholasaithe eacnamaíochta an pháirtí. Níl sé ach naoi mí ó chuaigh an chraoltóir eacnamaíochta isteach i bhFine Gael. Dar leis go raibh sé ag machnamh air seo a dheanamh le tamall anuas agus gur phéigh sé é le daoine eile roimh a chinneadh a fhógairt.
Dar leis gur mhaith leis dul ar ais chuig RTÉ.
Ceapadh Laura Chinchilla mar an chéad bhean uachtarán i gCósta Ríce nuair a bhain sí corradh le 50% na vótaí sa toghchán, dhá oiread ná iarrthóir ar bith eile.
Ba mhór an bua é do Chinchilla, atá ina máthair 50 bliain d’aois agus a bhí ina leas-uachtarán sa rialtas faoi Oscar Arias, iarbhuaiteoir duais síochána Nobel nó ní bhfuair na hiarrthóir eile, Otton Solis ó Pháirtí Ghníomhú na Saoránach agus Otto Guevara ón pháirí Liobraíoch ach 25% agus 21% de na vótaí.
Meastar go raibh vótálaithe na tíre i bhfách le Chinchilla, atá ar an éite dheis na polaitíochta agus atá i gcoinne ghinmhillidh agus i gcoinne phosadh aon ghnéis, go raibh siad ar a son cionn is go bhfacthas go mbeadh leanúint polasaithe i dtír ina bhfuil tuarastail ard ann agus caighdeán shaoil mhaith ann i gcomparáid le tíortha eile i Meiriceá Láir.
Tá íospartaigh droch-íde gnéis ag iarraidh ar na hord rialta a cháineadh i dtuairisc Ryan a gcearta chun costaisí dlí a cur ar ceal.
Tháing an éileamh chun tosaigh ar an lá céanna agus atá baill sinseáracha le bualadh le híospartaigh sula rachaidh siad chun na Roimhe leis an tuairisc Ryan agus tuairisc Murphy ar droch íde i nDeoise Bhaile Átha Cliath a phlé.
Mar chuid den tuairisc, a foilsíodh i Mí Bealtaine 2009, chuaigh baill na n-ord i láthair ar an fhiosrúchán agus thug an Roinn Airgeadais le fios go bhfuiltear anois ag iarraidh go ndíolfaidh an stát a gcuid costais, a meastar a bheith níos mó ná €40 san iomlán.
Tá Gardaí agus lucht dóiteáin le fiosrú chúis na tíne a rinne dochar mór dTeach Rossborough i mBaile Coimín ar oíche Dhomhnaigh.
Thosaigh an tíne sa teach, a bhain clú amach i 1974 mar an ait a rinne Rose Dugdale agus baill Óglaigh na Éireann gadaíocht ar phictiúirí ar 9.30in agus bhain sé trí uair a chloig as an bhriogáid dóiteáin leis an tíne a chur as.
Táthar ag déanamh gur dearnadh damáiste forleathan ar taobh iarthair an tí, atá ina ionad turasóireachta agus a tógadh i 1741.
Tuigtear gur thit cuid den díon le linn an tíne.
Deir an tAire Comhshaoil John Gormley go bhfuil sé sásta dul i mbun cainte le Comhaire Átha Cliath maidir leis an ionad dramhaíle atá beartaithe don phríomhchathair. Ach deir an tAire go bhfuil an loisceoir atá á moladh rómhór agus ródhaor agus nach féidir dul ar aghaidh leis.
Maraíodh beirt ar a laghad agus gortaíodh suas le 250 duine a tharla pléascán i stáisiún gáis i gConnecticut inniu. Níor léir cad a ba chúis leis an taisme ach dar leis an phéas gur tubaiste ceart an t-eachtra a tharla cóngarach do bhaile Middletown.
Is í Margaret Ritchie ceannaire nua an SDLP. Bhí sí tuairim is 35 vóta chun tosaigh ar Alisdar Mc Donald nuair a rinneadh vóta ar chomhdháil an pháirtí ar an Chaiseán Nua i gContae an Dúin ag am lóin inniu. Agus í ag leagan amach a aidhmeanna dúirt an ceannaire nua, an chéad bhean le bheith i gceannas ar an SDLP, dúirt sí go bhfuil sí ag dréim le hathnuachan an SDLP agus gur rún di amach anseo a bheith ina Chéad Aire sa tuasiceart.
Bhí an bua ag Éire sa chluiche rugbaí inniu ach a bhuí do chéad leath iontach a bheith acu. Sa dara leath ní raibh cuma iontach ar na hÉireannaigh. Scoráil Ronan O Gara 16 cúilín agus beidh foireann na hÉireann sásta go maith an chéad chluiche a bheith as an bhealach anois acu.
Tá na Gardaí ag scrúdú corp a fuarthas ar bhruach na Sionainne in aice leis an Chreathalach i gContae an Chláir ar maidin. Meastar gur corp Franice Green atá ann, fear as Luimneach a chuaigh as radharc tá dhá mhí ó shin. An mhí seo caite ghabh Gardaí fear agus cheistigh é faoi Francie Green ach ligeadh saor an fear ar ball.
Tuigtear go bhfuil an INLA i ndiaidh a gcuid arm a chur ó mhaith. Níl sé ach cúpla lá go rachaidh Coisimiún Díarmáil John de Chastellan as gnó agus tuigtear go raibh aird ag an INLA air sin nuair a chinn siad a gcuid arm a scrios. Tharla an cur ó mhaith le cúpla seachtain anuas agus tá dréim le fógra ón INLA féin go gairid.
Dar le POBAL, (go fiú agus gan bhfuil na mionsonraithe ar fad a bheith ar fail go fóill), gur chúis díoma e na socruithe polaitiúla atá déanta ó thuaidh ó thaobh na Gaeilge de. Arsa Janet Muller, PF POBAL, 'Tacaíonn rialtas na hÉireann le hAcht do TE sa dhréachtphlean 20 bliain. Bíonn na pairtithe náisiúnacha ó thuaidh go minic ag tacú leis chomh maith. Tá siad dáiríre faoi, gan amhras. Ach go fóill, nil an cuma airgo bhfuil bearta na meicníochtaí sa doiciméad ,a éisíodh an tseachtain seo, leis an tAcht a chinntiu. Cuirtear fáilte roimh mhaoiniú don Chiste Craoltóireachta Ghaeilge, agus roimh bhuanna beaga eile, ach an leor iad? Nuair a dhéanfar dílárú cumhachtai póilíneachta agus cirt, beidh go fóill cosc ar úsáid na Gaeilge sna cuirteanna abhus. Ach as seo amach, is iad na pairtithe áitiúla a bheidh ag cur an chosc seo I bhfeidhm, agus chan Westminster amháin.'
Caillfidh 200 oibrí sa chomhlacht Bitech Engineering a gcuid postanna mar gheall ar dhruidim na comhlachta. Fo-chomhlacht de chuid Glen Dimplex é Bitech Engineering. Anuraidh dhiúltaigh na hoibrithe ann do phacáiste a laghdódh a bpá agus a bhrisfeadh cuid de na hoibrithe as a bpost. Tá SIPTU chun bualadh le bainistíocht na comhlachta ar ball.
Subscribe to:
Posts (Atom)
